ზურა მგვდლიაშვილი ნიკალას მარნის მფლობელი და მეღვინეა. კახეთში, გურჯაანის მუნიციპალიტეტის სოფელ კარდენახში მდებარე ტრადიციულ საოჯახო მარანში იგი მეღვინეობის ოთხთაობიან ტრადიციას აგრძელებს და ავთენტური, მინიმალური ჩარევით შექმნილი ღვინოების წარმოებას ეძღვნება.

იაგო ბიტარიშვილი საქართველოში ბუნებრივი მეღვინეობის ერთ-ერთი პიონერია. ჩარდახში ის ჩინურისგან ავთენტურ ღვინოებს აწარმოებს და მნიშვნელოვანი წვლილი შეაქვს ორგანული მევენახეობის განვითარებასა და ქართული ღვინის საერთაშორისო პოპულარიზაციაში.

ნიაბის მარანი ორგანული მეურნეობის მსოფლმხედველობის მქონე ორი ახალგაზრდა მევენახის წამოწყებაა. მას საფუძველი 2017 წლიდან ჩაეყარა. მთავარი იდეა ვენახში ჯანსაღი გარემოს  ხელშეწყობა და უნიკალური ადგილმდებარეობის წყალობით ცოცხალი და ენერგიული ღვინის მიღებაა. მარანი შიდა ქართლში, სოფელ თელიანში მდებარეობს. 

კონდოლი ვაინერიმ მევენახეობა და მეღვინეობა 2019 წელს დაიწყო. კომპანია ღვინოს მხოლოდ საკუთარი, სერტიფიცირებული ორგანული ვენახებიდან მიღებული ყურძნისგან აწარმოებს. ვენახები მდებარეობს თელავის მუნიციპალიტეტში, სოფელ კონდოლში, წინანდლის მიკროზონაში, რომელიც ისტორიულად ცნობილია მაღალი ხარისხის ყურძნის მოსავლით.

მეღვინეობა მახარებელი მდებარეობს გურჯაანის მუნიციპალიტეტის სოფელ ვაზისუბანში და აწარმოებს კახურ ტრადიციულ ქვევრის ღვინოს

2003 წელს დაარსებული "ჩვენი ღვინო" მდებარეობს სოფელ ბაკურციხეში. მარანი კარდანახისა და ბაკურციხის მიკროზონებში მხოლოდ ქართული ადგილობრივი ყურძნის ჯიშებს აშენებს.

შერმა - საოჯახო მეღვინეობაში ღვინის წარმოების ტრადიცია თაობიდან თაობას გადაეცემა, თუმცა ოჯახმა ამ ტრადიციის კომერციულ საქმიანობად გადაქცევა მხოლოდ 2020 წელს გადაწყვიტა. მარანი მდებარეობს შიდა ქართლის რეგიონში, სოფელ მეჯვრისხევში.

„მარანი მილორაული“ თელავში მეღვინეობის ისტორიას 1930 წლიდან ითვლის, რომელიც 2015 წელს ახალი ხედვით გავაცოცხლეთ. ჩვენს ბიო-სერტიფიცირებულ 7,5 ჰა ვენახებში 9 სხვადასხვა ვაზის ჯიშია გაშენებული. ქვევრის ტრადიციული მეთოდისა და თანამედროვე ტექნოლოგიების შერწყმით, ყოველწლიურად დაახლოებით 7 000 ბოთლ ბუნებრივ ღვინოს ვაწარმოებთ.

ქვემო ხოდაშენში მეღვინედ ქცეული ორნითოლოგის მიერ დაწყებულ საქმეს მოგვიანებით მეგობრები შეუერთდნენ და მეღვინეობა გააფართოვეს. ასე დაიბადა ახალი ბრენდი — გონჯების ღვინო — მეგობრობის, საქმისადმი სიყვარულისა და სიხარულის ნაყოფი.

წლების წინ, კახეთში, გურჯაანში, თავისი ოჯახის ძველ სოფლის სახლში, ია იმერლიშვილმა მიწის ქვეშ საუკუნოვანი ქვევრები აღმოაჩინა — ჩუმი ჭურჭელი, რომელიც წარსული თაობების მოგონებებს ინახავდა. სწორედ ამ აღმოჩენამ დაუდო სათავე იას მარნის შექმნას.

ლომთაძეებიუ მარანი, რომელიც მე-20 საუკუნის დასაწყისში აშენდა, მდებარეობს ველისციხეში, გურჯაანში. აქ დღემდე შემონახულია 1900–1905 წლებით დათარიღებული 24 ქვევრი. საუკუნეზე მეტია ოჯახი ტრადიციული კახური მეთოდით აგრძელებს ღვინის დაყენებას. 

გაბრიელის ღვინო დაარსდა 2016 წელს, მამა გაბრიელ ხომასურიძის მიერ, მის მშობლიურ სახლში სოფ. გამარჯვებაში, ქვემო ქართლი. მეღვინეობა აწარმოებს მცირე ტირაჟის ნატურალური ქვევრის ღვინოს და ტრადიციულ პეტნატებს, პროცესი მიმდინარეობს სრულიად ბუნებრივადყოველგვარი დანამატებისა და ფილტრაციის გარეშე.

გურამ მაისურაძემ, „ნადელების“ დამფუძნებელმა, ვაზის გაშენება 2016 წელს დაიწყო კურდღელაურში, კახეთის რეგიონში და პირველი მოსავალი ხუთი წლის შემდეგ მიიღო. დღეს მამული 3 ჰექტარ ფართობს მოიცავს და ყოველწლიურად 7 000-დან 10 000-მდე ბოთლ ღვინოს აწარმოებს.

საოჯახო მარანი ოდა მარტვილში სამეგრელოს ტერუარზე დაფუძნებული მეღვინეობის ტრადიციებს აცოცხლებს და იშვიათ ადგილობრივ ჯიშებს ბუნებრივი, მინიმალური ჩარევის პრინციპით გარდაქმნის ღვინოდ. აქ ღვინო იქმნება ვენახის, ჯიშისა და ადგილობრივი ეკოსისტემის პატივისცემით.

„ბაწაშვილის მარანი“ ილია ბაწაშვილისა და ზაზა გიორგაძის მიერ შექმნილი საოჯახო მარანია. კახეთში, ბაკურციხის ვენახებიდან მიღებული რქაწითელისა და საფერავისგან ისინი ქვევრის ბუნებრივ ღვინოებსა და პეტ-ნატს ქმნიან. 2024 წლიდან მარანი საქართველოს ბუნებრივი ღვინის ასოციაციის წევრია.

ბიომეღვინეობა იორა 2014 წელს დაარსდა კახეთში, საგარეჯოსთან. აქ სერტიფიცირებულ, ორგანულ ვენახში მოყვანილი ყურძნისგან ღვინოები მრავალსაუკუნოვანი კახური მეთოდით მზადდება და ქართული მეღვინეობის ტრადიციებს, ბუნებრიობასა და ხარისხს აერთიანებს.

ამ მარანში მეღვინეობის ისტორია 2012 წელს დაიწყო, როდესაც ქეთევან ალოლაშვილმა და კრისტიან ჰუბერმა ველისციხეში ვენახების გაშენება გადაწყვიტეს. დღეს 12-ჰექტარ მამულში ღვინო ტრადიციულ ქვევრებში მზადდება, ოჯახური მემკვიდრეობისა და ქართული მეღვინეობის ტრადიციების საფუძველზე.

2017 წელს დაარსებული ორი მარანი მცირე არტიზანული მეღვინეობაა შიდა ქართლში, სოფელ იგოეთში. მეღვინეობა ქართულ ტრადიციებს, ქვევრის კულტურასა და ხელნაკეთი ღვინის წარმოების მრავალსაუკუნოვან გამოცდილებას აერთიანებს

ბაადურ 1933 საოჯახო მეღვინეობაა ზემო იმერეთში, საჩხერეში, რომელიც ღვინის დაყენების თითქმის საუკუნოვან ტრადიციას აგრძელებს. ადგილობრივი ვაზის ჯიშებისგან შექმნილი ღვინოები გამოირჩევა სიხალისით, დახვეწილი სტრუქტურითა და უნიკალური ხასიათით.

მირიანის მარანი ბაღდათის მუნიციპალიტეტის სოფელ ფერსათში მდებარე საოჯახო მარანია, რომელიც 2016 წელს დაარსა მირიან იოსებაშვილმა. იგი საკუთარ ვენახში მოყვანილი ცოლიკოურის, კრახუნას, კუნძას, ძელშავისა და ოცხანური საფერესგან ღვინოს ტრადიციული მეთოდით აყენებს.

ფერისათი ნემსაძის საოჯახო მარანია იმერეთში, რომელიც ქართული ღვინის მემკვიდრეობას თანამედროვე ევროპულ ესთეტიკასთან აერთიანებს. ჩვენი უნიკალური იმერული საფერავი, ციცქა და ცოლიკოური ქვევრში შექმნილი ბუნებრივი ღვინოებია, რომლებიც საქართველოს მრავალფეროვან ტერუარს გამორჩეულად წარმოაჩენს.

2007 წელს, ნახშირღელეში, რამაზ ნიკოლაძემ თავისი დიდი ბაბუის ვენახის ადგილზე პატარა მარანი დააარსა. აქ ციცქასა და ცოლიკოურისგან ბუნებრივ ღვინოს ამზადებენ. ტრადიციული ქვევრის მეთოდი და ხელით მოვლილი ვენახი იმერული ღვინის ავთენტურ ხასიათს ინარჩუნებს.

2007 წელს ნუგზარმა და მამუკამ დააარსეს „სიმონიკა“ საოჯახო მეღვინეობა, რომელიც მდებარეობს იმერეთში, II ობჩაში და მათი მამის სახელს ატარებს. მეღვინე ნინი ჩხეიძე აგრძელებს მეღვინეობის სამთაობიან ტრადიციას და აწარმოებს ნატურალურ ქვევრის ღვინოებს იმერეთსა და სამეგრელოში მდებარე საკუთარ ვენახებიდან.

მეღვინეობა ნაფერები მდებარეობს კინძმარაულის მიკროზონაში, ნეკრესის მონასტრის სიახლოვეს, საკუთარ ვენახებში. მეღვინეობა აერთიანებს ქართულ ტრადიციებსა და თანამედროვე მიდგომებს, ქმნის გამორჩეული ხასიათის ღვინოებს და განსაკუთრებულ ყურადღებას უთმობს ხარისხს, ბუნებრიობასა და ავთენტურობას.

თენგიზ დვალიშვილის მეღვინეობა მდებარეობს შიდა ქართლში, სოფელ ხიდისთავში. მარანი აწარმოებს ბუნებრივ ღვინოს ქართლის ენდემური ჯიშებიდან, როგორც ტრადიციული, ასევე კლასიკური მეთოდით. ვენახს და მარანს უძღვება თენგიზ დვალიშვილი, რომელიც მეექვსე თაობის წარმომადგენელია დვალიშვილების ოჯახიდან.  

„ფაფრის ველი“ კახეთში, ახაშენის ფაფრის მინდვრებში მდებარე ბიომეღვინეობაა. მეღვინეობა ორგანულად მოყვანილ ყურძენსა და ტრადიციულ ქვევრის მეთოდს აერთიანებს, ბუნებრივი საფუარითა და მინიმალური ჩარევით ქმნის ავთენტურ ღვინოებს, რომლებიც კახეთის უნიკალურ ტერუარსა და მეღვინეობის ტრადიციებს გამოხატავს. 

მარანი „ხაჟალია“, საოჯახო მეღვინეობა, იმერეთში, სოფელ გეგუთში მდებარეობს. ის 2022 წელს დაარსდა. მარანი ტრადიციული მეთოდით, ქვევრში, აწარმოებს ბუნებრივ ღვინოებს კახური და იმერული ჯიშებისგან. წლიური წარმოება 3,500 ბოთლს შეადგენს, რაც ხარისხის კონტროლსა და ავთენტურობის შენარჩუნებას უწყობს ხელს.

„ენკენი“- ლაშა გურულის საოჯახო მეღვინეობა, იმერეთში, ახალთერჯოლაში მდებარეობს. მარნის სახელწოდება რთველთან დაკავშირებული დღესასწაულიდან მომდიანრეობს. 2015 წლიდან მარანი იმერულ ტრადიციებს აგრძელებს და ღვინოს 200 წლის ქვევრებში, ადგილობრივი ჯიშებისგან, ბუნებრივი მეღვინეობის პრინციპებით აწარმოებს.

ჯუსო არის საოჯახო მარანი კახეთში, რომელიც 2017 წლიდან ბუნებრივ ქვევრის ღვინოებს აწარმოებს. მრავალთაობიანი ტრადიციის აღდგენით, მარანი პატივს მიაგებს ოჯახის წინაპარს, ჯუსოს. მარანი ფლობს 60 წლის საკუთარ ვენახს და ღვინოს რამდენიმე ყურძნის ჯიშისგან აყენებს. 

იმერეთში, ზესტაფონის რაიონის სოფელ ჭალატყეში მდებარე საოჯახო მარანი „Good Wine“ აწარმოებს ქართულ ნატურალურ ღვინოებს. ქვევრის ტრადიციული მეთოდებისა და ყურძნის საუკეთესო ჯიშების გამოყენებით, ბრენდი მომხმარებელს გამორჩეულ ციცქას პეტ-ნატსა და უნიკალური გემოვნური თვისებების მქონე ავთენტურ ღვინოებს სთავაზობს.

კახეთში, სოფელ ჩუმლაყში მდებარე ექიმის ბიო-მარანი აწარმოებს ქვევრის ბუნებრივ, ბიო ღვინოებს ახაშენის მიკროზონიდან. ოჯახური მარანი ტრადიციული მეთოდებით, ფილტრაციისა და ხელოვნური დანამატების გარეშე ქმნის ავთენტურ საფერავს, რქაწითელსა და ხიხვს, რომლებსაც მოპოვებული აქვთ საერთაშორისო ჯილდოები.

ტარიელ ლომთაძის მარანი რაჭაში, ხვანჭკარაში მდებარეობს. მარანი აერთიანებს მრავალწლიან ოჯახურ ტრადიციებს, ადგილობრივ ვაზის ჯიშებსა და ქვევრის მეღვინეობას. აქ სტუმრებს შესაძლებლობა აქვთ დააგემოვნონ უნიკალური რაჭული ღვინოები და გაეცნონ რეგიონის მდიდარ მეღვინეობის კულტურას.

თეძამის მარანი არის პატარა საოჯახო მარანი, რომელიც მდებარეობს შიდა ქართლის სოფელ გარიყულაში. 2017 წლიდან ჩვენს 300 წლის ისტორიის მქონე მარანში ვამზადებთ ბუნებრივ ქვევრის ღვინოებს, ძირითადად, ქართლის ენდემური ვაზის ჯიშებისგან და ვინარჩუნებთ ადგილობრივ ტრადიციებსა და ქართული მეღვინეობის უნიკალურ მემკვიდრეობას.

„ვალიკოს ღვინო“ ოჯახური მემკვიდრეობაა, რომელიც 1970-იან წლებში, სიღნაღის სოფელ ილიაწმინდაში, პაპის პატარა ვენახითა და დაუღალავი შრომით დაიწყო. მისმა ენთუზიაზმმა გვასწავლა, რომ ღვინო უნდა იყოს ცოცხალი და ბუნებრივი, როგორც თავად ცხოვრება — გვასწავლა ბუნებრივი ღვინის სიყვარული და დაყენების ოსტატობა.

არჩილ გუნიავას მარანი მცირე საოჯახო მარანია სოფელ კვალითში, იმერეთში. 2 ჰექტარ ვენახში ოჯახი ადგილობრივი ვაზის ჯიშებიდან შვიდი სახეობის ბუნებრივ იმერულ ღვინოს აწარმოებს. ვენახის მოვლა ხელით, ხოლო ღვინის დაყენება ქვევრში, ბუნებრივი საფუვრითა და ხანგრძლივი ჭაჭაზე დაყოვნებით ხდება, რაც იმერულ ტერუარს გამოხატავს.

მენაბდე ილო მენაბდეს ოჯახის ბუნებრივი მეღვინეობაა, რომლის ვენახი და მარანი რაჭაში, სოფელ სადმელში მდებარეობს. ჩვენი მიზანია ბუნებრივი ღვინის წარმოება და რაჭული ყურძნის იშვიათი ჯიშების პოპულარიზაცია, მათ შორის რცხილის, შავი კაბისტონის, წულუკიძის თეთრასა და რაჭული მწვანეს.

ვინომე კისისხევის პატარა, კრაფტ მეღვინეობაა, რომელიც და-ძმამ, თამუკამ და მერაბ არავიაშვილებმა დააარსეს. მათი ღვინოები პაპის დანატოვარი 60 წლის ვენახიდან იწყება — ქართული ტრადიციით, თავისუფლებით, ექსპერიმენტითა და თამამი თვითგამოხატვით.

ანგურას ღვინის ისტორია 2019 წელს დაიწყო, როდესაც ძმებმა, გიორგი და ირაკლი ჭიჭინაძეებმა, აღადგინეს მიტოვებული ვენახი ასურეთში, ქვემო ქართლში. მხოლოდ საკუთარი ყურძნისგან ისინი ქმნიან მშრალ, ბუნებრივ ღვინოებს ველური საფუარით, სულფიტების გარეშე და ყოველწლიურად დაახლოებით 3000 ბოთლს აწარმოებენ.

ვარიანის მარანი მდებარეობს გორის მუნიციპალიტეტის სოფელ ვარიანში, შიდა ქართლში. მარანი ქმნის ბუნებრივ, მშრალ ღვინოებს ძირითადად ადგილობრივი ქართლის ჯიშებისგან, მათ შორის გორული მწვანესა და ჩინურისგან, მარნის ღვინოები გამოხატავს რეგიონის უნიკალურ ხასიათსა და ქართული მეღვინეობის ტრადიციებს.

მეღვინეობა ართანა 2014 წელს დაარსდა მარტივი იდეით — ოჯახური მეღვინეობის ტრადიციების გაცოცხლებით და მათი ბუნებრივი და გულწრფელი გზით გაგრძელებით. მარანი ბუნებრივ ქვევრის ღვინოებს აწარმოებს და თაობიდან თაობას გადმოცემულ ტრადიციებს მიჰყვება. ოჯახისთვის მეღვინეობა ართანა მხოლოდ მეღვინეობა არ არის — ეს მათი ფესვების, მოგონებებისა და ტრადიციების შენარჩუნების გზაა.

2017 წელს, იმერეთში, სოფელ ძევრში დაარსებული „ბედიანი“ საკუთარი ვენახებიდან მიღებული ყურძნისგან ბუნებრივ ღვინოებს აწარმოებს. კირქვიან ნიადაგზე გაშენებული ვენახებიდან მიღებული ციცქა, ცოლიკოური და ძელშავი ბუნებრივად დუღდება ჭურჭელში და 11 თვემდე ძველდება, შემდეგ კი გაუფილტრავად, სინთეზური დანამატებისა და გოგირდის გარეშე ჩამოისხმება.

მათიაშვილის მარანი კახეთში მდებარე ბიო-ორგანული მეღვინეობაა, რომელიც ორგანულად მოყვანილი ყურძნისგან ქვევრის ღვინოებს აწარმოებს. ღვინოები კახური ტრადიციული მეთოდით, ფილტრაციისა და ქიმიური დანამატების გარეშე მზადდება. მარანი რეგულარულად მონაწილეობს ადგილობრივ და საერთაშორისო ბიო-ღვინის გამოფენებში.

ახმეტის ღვინის სახლი ერთგულია ორგანული მეურნეობისა და ბუნებრივი მეღვინეობის. მისი ბიო-სერტიფიცირებული ვენახები საფუძველს ქმნის მშრალი ქვევრის ქარვისფერი ღვინოებისთვის, რომლებიც ადგილობრივი ჯიშებისგან მზადდება: კახური მწვანე, რქაწითელი, ქისი, ხიხვი, კახური მცვივანი და ამას გარდა საფერავი. ბუნება, ისტორია და ოსტატობა თითოეულ ბოთლში ერთიანდება.

1887 წელს დაარსებული კოლაგისი კახეთში მდებარე მეხუთე თაობის საოჯახო მეღვინეობაა, რომელიც ხელით მოვლილი ორგანული ვენახებიდან ბუნებრივ ქვევრის ღვინოებს აყენებს. ყოველწლიურად ჯეირანაშვილების ოჯახი 5,000-მდე ბოთლს აწარმოებს — ქარვისფერ, წითელ და პეტ-ნატ ღვინოებს, რომლებიც მინიმალური ჩარევით, ზრუნვითა და ტრადიციის პატივისცემით მზადდება.

ჭორტაულის ვენახები ალეკო ცქიტიშვილის მიერ დაარსებული მცირე საოჯახო მარანია, რომელიც კახეთში, სოფელ ბაკურციხეში მდებარეობს. იშვიათი ქართული ვაზის ჯიშებისადმი განსაკუთრებული ინტერესით, მარანი ბუნებრივ, გაუფილტრავ ღვინოებს აწარმოებს ორგანულად მოვლილი ვენახებიდან, ტრადიციული კახური მეთოდების გამოყენებით.

მანავი ვაინსი საოჯახო მარანია კახეთში, სოფელ მანავში, ცნობილი მანავის მიკროზონაში. 6 ჰექტარ ვენახში მოჰყავთ კახური მწვანე, რქაწითელი და საფერავი. მარანი ხარისხზეა ორიენტირებული, ყურძენს ხელით კრეფს და ბუნებრივ ქვევრის ღვინოებს, საფუარისა და დანამატების გარეშე აწარმოებს — როგორც მსუბუქ, ხალისიან თეთრებს, ისე კომპლექსურ ქარვისფერ, ჭაჭაზე დაყენებულ ღვინოებს.

ღვინაძე მცირე საოჯახო მეღვინეობაა კახეთში, სოფელ შილდაში, რომელიც ორგანულად მოვლილი ვენახებიდან ბუნებრივ ქვევრის ღვინოებს აწარმოებს. მარანში ქართული ვაზის ჯიშებისგან, მათ შორის საფერავისა და ცოლიკოურისგან, ტრადიციული მეთოდებითა და მინიმალური ჩარევით იქნმება გაუფილტრავი ღვინო. 

2010 წელს ზურაბ თოფურიძის მიერ დაარსებული საოჯახო მარანი „იბერიელი“ კახეთსა და გურიაში ორგანულად მოყვანილი ადგილობრივი ჯიშებისგან ბუნებრივ ღვინოებს ქვევრში აყენებს. სპონტანური დუღილი, ჭაჭასთან გააზრებული კონტაქტი და გოგირდის მინიმალური გამოყენება ჯიშის, მოსავლისა და ტერუარის ხასიათს წარმოაჩენს.

ბაკურციხელი საოჯახო მეღვინეობაა კახეთში, სოფელ ბაკურციხეში, მრავალთაობიანი მეღვინეობის ტრადიციით. კავკასიონის მთების ხედების მქონე ფერდობზე მდებარე მამულში ბერიძეების ოჯახი ბუნებრივ, ორგანულ ღვინოებს ხელით დაკრეფილი ყურძნისგან აწარმოებს, რითაც ინარჩუნებს მიწასა და ქართულ მეღვინეობის მემკვიდრეობასთან ღრმა კავშირს.

რერო მცირე საოჯახო მეღვინეობაა, რომელიც ძმებმა, გიორგი და ირაკლი სირაძეებმა, 2022 წელს დააარსეს სოფელ ფუთში, იმერეთში. ოჯახური მეღვინეობის ტრადიციის გაგრძელებით, ისინი მხოლოდ იმერული ვაზის ჯიშებისგან ბუნებრივ ღვინოებსა და პეტ-ნატებს აწარმოებენ, ხოლო მარნის სახელი მათ ოჯახურ სუფრებზე ხშირად შესრულებულ სიმღერას უკავშირდება.

ტანინი, რომლის სახელწოდებაც ღვინის ერთ-ერთ მნიშვნელოვან მახასიათებელს უკავშირდება, ემზარ ვასაძის ქართული ღვინის სიყვარულითა და კიკეთში, ზღვის დონიდან 1,200 მეტრზე, დაარსებული მცირე მარნიდან დაიწყო. წლების შემდეგ მამის დაწყებული საქმე მისმა ვაჟმა გააგრძელა და დღეს ტანინი ბუნებრივ მეღვინეობას, ქართულ ტრადიციასა და კიკეთის უნიკალურ ხასიათს აერთიანებს.

მალატი, რაც სვანურად „გულს“ ნიშნავს, თამარ გერლიანის მშობლიურ სვანეთთან ღრმა კავშირს გამოხატავს. მისი ვენახები და მარანი კახეთში, სოფელ საბუეში მდებარეობს, აქ ადგილობრივი ქართული ვაზის ჯიშებისგან ბუნებრივ ღვინოებს ამზადებს, სახელწოდებით კი სვანურ კულტურასა და ენას ეხმიანება.

ჭონას საოჯახო მარანი თელავში, კახეთში მდებარეობს, აქ თაობიდან თაობას გადმოცემული მეღვინეობის ტრადიცია ბუნებრივ ქვევრის ღვინოებში გრძელდება. მისი ბიოორგანულად მოვლილი ვენახები წინანდალსა და მუკუზანშია გაშენებული, სადაც კახური მწვანე, რქაწითელი, ქისი და საფერავი მოჰყავთ. მეღვინეობის თითოეულ ეტაპს თავად ოჯახი უძღვება.

„ილტოს ველი“ ბექა მარტიაშვილის საოჯახო მარანია, რომელიც ახმეტაში, კახეთში მდებარეობს. მარნის 2 ჰექტარ ვენახში გაშენებულია საფერავი, ხიხვი, კახური მწვანე და რქაწითელი, რომელთა ყურძნისგან ბუნებრივ ქვევრის ღვინოებს აყენებენ. მარნის ღვინოები წარმოდგენილია როგორც ადგილობრივ, ისე საერთაშორისო ღვინის ფესტივალებზე.

2017 წელს დების, თამთასა და ანუკი აივაზიშვილების მიერ დაარსებული „დების ღვინო“ საოჯახო მარანია კარდენახში, კახეთში. საკუთარი ვენახებიდან მიღებული ყურძნით ისინი ტრადიციულ ქვევრის ღვინოებს აყენებენ, მათ შორის საფერავს, რქაწითელს, ქისს, ხიხვსა და კახურ მწვანეს. მათი ღვინოები საერთაშორისო აღიარებასა და ჯილდოებსაც იღებს.

სოფრომაძის მარანი იმერეთში მდებარე საოჯახო მარანია, რომელიც ადგილობრივი ჯიშებიდან ბუნებრივ, მინიმალური ჩარევით დაყენებულ ღვინოებს აწარმოებს. 1914 წელს დაარსებული მარანი ღვინოს ტრადიციული იმერული მეთოდით, ქვევრში აყენებს. ყველა ღვინო ველური საფუვრით დუღდება, მინიმალური სულფიტებითა და ქიმიური დანამატების გარეშე.